XIV ANDAINA NOCTURNA

O Carballiño, 5 de xullo de 2026.- O Centro de Estudios Chamoso Lamas organiza o venres 31
de xullo, unha nova andaina nocturna aos petróglifos de Cangues. É o décimo cuarto ano que
se celebra esta actividade dirixida a promover a divulgación e posta en valor do importante
patrimonio arqueolóxico da comarca do Carballiño, e que reuniu en cada unha das últimas
edicións preto dun cento de persoas de todas as idades.

Trátase dun percorrido duns 5 kilómetros de ida e volta para observar á luz das lanternas os
grabados rupestres das rochas do parque castrexo de Cangues, no concello do Irixo, que estará
guiado polo arqueólogo Jorge Lamas e Adolfo Otero, integrantes da entidade cultural
carballiñesa.

O punto de partida será o campo da festa de Madarnás, fronte ao local da asociación de
veciños desta parroquia, ás 22,00 h, debendo acudir a este lugar a partir das 21,30 h.
Recoméndase levar lanternas, chalecos reflactarios, calzado cómodo e roupa de abrigo.

A inscrición é gratuita e pedimos inscribirse na páxina web do Centro de Estudios Chamoso
Lamas, ou no correo: secretaria@centroestudioschamosolamas.com, ata o luns 20 de xullo,
indicando o número de participantes en cada caso.

Nesta edición, ademais das explicacións arqueolóxicas de Jorge Lamas, imos contar coa
colaboración dun experimentado afeccionado en astronomía, que dende a privilexiada
situación xeográfica do auteiro do campo arqueolóxico de Cangues nos falará da composición
das estrellas e demais corpos celestes.

Ao termo da andaina, que conta coa colaboración da Asociación de Veciños de Madarnás, do
Concello do Carballiño e do Concello do Irixo, haberá unha queimada no local da asociación
veciñal.

SAÚDOS. COMUNICACIÓN CENTRO DE ESTUDIOS CHAMOSO LAMAS.